第62屆澳門格蘭披治大賽車一連四日於澳門東望洋賽道上演，昨日有明星蓮花挑戰賽，聚集一眾香港藝人落場一較高下。
祖兒都攞過亞軍
不過周秀娜、苟芸慧和狄易達在前日參加試圈賽時，因壞車未能出賽；莊思敏和曾國祥昨日同樣因壞車被迫中途停賽；最終由方力申奪賽車冠軍，第二名及第三名分別是劉浩龍（師兄）和余文樂。
最近傳Mandy Lieu將於聖誕帶埋囡囡返港，周焯華（洗米華）一於少理，昨日偕正印陳慧玲及兒子周柏豪、女兒周梓潼一齊出席睇賽車，還有吳奇隆、劉心悠、蒼井空等，鄧麗欣（Stephy）做跟得女友支持小方，被老闆洗米華叫做「阿嫂」，而師兄則有女友容祖兒化身頒獎嘉賓，到場為男友打氣，但祖兒卻負責頒獎給第三名的余文樂，而巧合地原來祖兒在04年參加成龍盃時亦與師兄一樣得亞軍，祖兒昨在Instagram說：「這件事絕對是人生其中一件神蹟顯靈。人大了，膽細了，今天只是當個頒獎嘉賓的我，聽到賽車在跑道上風馳電掣的聲音已經覺得心驚膽跳。」
師兄則稱不知女友頒獎，能在吳奇隆手上攞獎更開心，他笑說：「吳奇隆都係一個我好鍾意嘅偶像，喺佢手上得到呢個獎，覺得好榮幸。」比賽一直是小方和余文樂之爭，但後來樂仔的賽車中途故障，被師兄後來居上，樂仔表示不失望：「都係僥倖，安全第一，最重要大家都冇事。」
得第一名的小方自言是打「天才波」，他解釋：「因為只係練咗約十個圈，一路揸其實都保守啲，因為怕出事。余文樂架車喺中途過咗我一次，之後佢架車有啲事，俾我過番頭。」
採訪：皓騫