AC米蘭年僅16歲嘅門將基安盧基當拿隆馬（圖）喺今季冒起，自從上個月首次代表球隊正選上陣後仲一直擔正；據聞曼聯同拜仁見佢表現咁好，都心郁郁想將佢收歸旗下。A米為咗留人，更加開出年薪100萬鎊（約1,200萬港元），想同佢續約到2019年；其實當拿隆馬𠵱家年薪只得16萬鎊（約190萬港元），A米願意向佢大幅加薪，睇嚟真係睇好佢成為「新保方」！