【本報訊】盧思豪（豪仔），一個挺陌生的名字，近兩年才於賽車界冒起，但這位年僅24歲的小伙子，卻成功爭取到今屆澳門格蘭披治大賽車「CTM澳門房車盃」的落場資格，成為最年輕車手。
畢竟，要取得這場賽車盛事的入場券不易，今年豪仔就先參加了香港房車錦標賽，在廣東和上海較量10場，取得3場季軍及2場第4名的成績，才有機會再戰澳門。
「去澳門賽車係所有車手嘅夢想！」初次採訪這名90後車手，看他眼細細、面圓圓，有點baby face，笑起來儍儍的鄰家大男孩模樣，沒想到，一坐上他花近30萬元裝嵌的戰車，頓時變了另一個人，熟練地戴上手套，銳利的眼神，一副認真嚴肅、視死如歸的表情，確實有着95年經典電影《烈火戰車》中劉華的影子。
電影中一句「我最驚就係到時老咗坐喺度，一啲回憶都冇」的對白，竟深深打入盧思豪的腦海中，令他執意實踐賽車夢，雖然在有限贊助下，砌不出他心目中的烈火戰車，但豪仔明言「無得贏都要玩」，要視每次比賽為最後機會，「將架車發揮到淋漓盡致，已經係對自己一個交代」。
踩入賽車圈短短兩年，盧思豪雖曾在澳門賽車中「企櫈仔」（上台領獎），包括第一年參賽，就奪得2013年香港房車錦標賽N2000組年度冠軍、澳門格蘭披治大賽車香港埠際賽季軍，而去年再奪香港房車錦標賽N2000組年度冠軍，以及華夏賽車大獎賽總回合季軍。不過，作為香港土炮新晉車手的他，以前認為「冠軍先係贏，亞軍都係輸」，現在心態截然不同，更謙虛表示仍要不斷學習，「賽車係講技術、運氣、戰車多方配合」。
對汽車達到狂熱程度的豪仔，一度要聽着引擎聲入睡，走入他家中做家訪，發現就連客廳的窗簾也是黑白色「格仔旗」款式，記者細看他的舊相簿，赫見大部份相片中都有車的份兒。
原來父親也是愛車之人，豪仔自小受到薰陶，18歲生日當天就請假去報考車牌，大專時已經營汽車轉售，商科畢業後即在車房當營運助理，希望日對夜對，極其量在街上「揸快少少」，後來經賽車界前輩提醒：「喺街快係冇用㗎，鍾意就落場玩。」終於在前年，他死慳死抵儲夠8萬元初嘗賽車滋味，「當時玩新手賽門檻低同好平，決定咗要玩就冇諗後果，唔想後悔，趁自己仲有本錢」。
沒錯，他的本錢就是年輕，而且沒有家庭負擔，「當然阿媽唔會想我玩，但阻我唔到，反而有玩開車嘅阿爸就好支持」。豪仔笑言只要「唔問屋企攞錢」，父母就不會干預，他賺的錢都花在車上，「比賽當旅行，又唔會玩影音、相機其他消費嘅嘢」。
不過賽車運動就等於「燒銀紙」，今年8月報名時，豪仔更一度為戰車憂心，「因為資金唔夠，而今次賽事對改裝冇咩限制，賽車嘅質素可以有好大差別，馬力可以差好遠」。最終他花了數萬元租用原廠車殼，再花近30萬元裝嵌，但對比財力十足的對手們，單是引擎就可能超過50萬元，「贏就冇咩可能，落場當學習，除非落大雨就可拉平大家戰車實力」。
雖然贊助費差天共地，但豪仔在完成首階段調較後，仍對戰車信心十足，認為戰車表現有80分，更揚言希望在排位賽造出2分50秒以下的最快圈速。這匹「黑馬」，心中還是有團火。
可是，最終豪仔在昨日的排位賽成績未如理想，初段原本由中後排慢慢上到第9位時，正當以為可再造出更佳排位成績之際，突然出現「窒油」問題，戰車需即時轉入維修站，耗時近10分鐘才重出賽道，但事與願違，再賽一圈，斷油問題再出現。
「練習時架車冇問題，但到排位出第一個圈之後，架車開始窒油！」失望的豪仔直言，過去雖然未試過發生類似意外，但賽車就是有不同因素影響，「如順利應該做到2 分49秒，不過都冇辦法，而家想盡快解決問題，比賽當日只想架車正常，比我順利完成賽事，好好享受個比賽」，最後豪仔僅能以2分51秒排在13位。