政務司司長林鄭月娥仲係發展局局長時候，已好關心樓宇更新情況，佢噚日就同發展局局長陳茂波、民政事務局局長劉江華去咗觀塘一棟樓齡已接近50年嘅大廈。大廈經過「樓宇更新大行動」後全面復修、無論外觀以及樓宇內的公用地方都煥然一新，林鄭仲探訪住客，問問佢哋住成點，咁成座大廈執靚晒，住客梗係住得開心。
林鄭話知道復修之前，大廈不同地方都有好多失修情況，好似內外牆有石屎同批盪剝落、污水渠又塞又滲漏，天台又滲水，唔單止居住環境好唔理想，對居民亦構成潛在危險，𠵱家大廈維修完，業主立案法團代表同佢講，住客、業主對復修工作好滿意，林鄭話佢都覺得好欣慰。