近日行街不時都會見到Letv員工宣傳他們新的4K Letv Box，雖然被評話係阿爺勢力入侵香港電視平台，不過主打平價，仲要將會有英超睇的確吸引了不少目光，而昨日Letv又有平嘢推出，就是新一代的超級電視Series 3。Series 3設5個型號，分別為Max65、X55Pro、X55、X43和X40。先講外形，今次Letv絕對有花心思，除了6.9mm窄邊框(X65為8.9mm)外，最特別的就是它的「雲底座」（X55，X55Pro，X65)，波浪形的彎曲金屬片設計，有點把電視凌空浮起的錯覺，頗創新有型。而高階的大尺寸型號，更設有3GB RAM、配6至7個內置喇叭的第四代魔音系統、MACE-PRO4圖像處理引擎、4K畫質等。
不過最吸引的當然還是價錢，最大最高階的Max65只售$10,999，其他型號有X56Pro $6,999，X55 $5,799，X43 $2,999，X40 $2,799，性價比依舊高企。同場亦有推連上台的「全年狂睇組合」，可減機價甚至做到零機價 (附圖) 。不過記者近日都有試睇過Letv內容，講真就唔算豐富，電影選擇亦唔算多，希望將來會有更多內容選擇。
記者、攝影：韓繼聰
