有一首歌最能反映97前香港人的精神面貌，可以當是口述香港史。
陳百祥的《我至叻》。
90後00後應該未聽過，聽過的又會覺得我黐線，阿叻的歌有甚麼歷史價值？
阿叻代表某一種香港人的特質：現實功利靈活貪小便宜，還有一點：自信。
阿叻形象，永遠認叻；你或許反感，但回歸以來，香港人最欠缺的，難道不是這種「認叻精神」嗎？
我們的傲氣似乎跟隨港幣兌換人民幣的匯率，由強轉弱；近十年來，不停有人灌輸，香港唔靠大陸就死。
但回歸前的香港人是無比驕傲，《我至叻》的歌詞說：「Yeah我至叻，我地餐餐都做阿Head」。今天我們開口埋口都是「中央唔俾阿爺唔制上面反對」，我們做不了阿Head，只能等Dead。
「你話移民好 我就怕生保/有錢去呢度去嗰度/自由自在駛乜走佬」
當年的香港人，自信爆棚，無話走佬。今天，大家都研究台灣是否適合移民避難。
「娛樂事業我地話事/紅館睇Show幾萬次/卡拉OK好生意/鬼佬學唱廣東詞」，這段更是香港軟實力盛世的表現。
當年香港電影興旺，「娛樂事業我地話事」和今天的「合拍片」潮流形成強烈對比。當年「鬼佬學唱廣東詞」，今天則是香港人北上唱普通話搵食。
「示威投訴任你噏/唔係犯法點都得/基本法去贒一贒/肯定唔會俾人屈/我鍾意自出自入/唔會俾『吼』到實」
今天是否真的示威投訴任你噏？還是動輒便扣上暴徒、港獨的帽子？
《基本法》真的保證我們不會被人屈？只怕《基本法》自己都被北大人屈得體無完膚了。
自出自入，對不起，有些人早就被大陸封殺，連澳門都過唔到。《我至叻》的景物，和阿叻的面容一樣，「而皮膚竟偷偷鬆了」，俱往矣。