港交所（388）繼今年4月新成立「內地事務科」後，噚日又有架構變動，睇嚟剛於上月開始3年新合約嘅行政總裁李小加，除咗維持現有市場營運之外，仲有好多想法想大展拳腳。
港交所宣佈，加入3年嘅營運總裁應凱勤（Henry Ingrouille）決定離開作其他發展，將由港交所旗下倫敦金屬交易所自營結算所（LME Clear）行政總裁及環球結算（歐洲）業務主管冼博能（Trevor Spanner），調來香港，出任營運總裁，佢仲會主理新成立嘅「平台發展科」，負責未來新交易平台，包括交易結算系統與互聯互通，即係以後再發展乜港通都靠晒冼博能了。