司馬燕老公吳忠義被爆有內地小三Summer，有指Summer控制慾強曾騷擾Togi的女伴，洪欣、何佩瑜（Jeana）都被牽涉入內。
Jeana：
我完全唔識司馬燕、佢老公同呢個女人，個幾月前微博收到叫我唔好騷擾人哋老公，之後周美鳳打畀我話唔好意思拖埋我落水，戥司馬燕好心悒，我覺得男人好大責任，同時傷害兩個女人，嗰個女人破壞人家庭，如果男人企硬say no，唔會有嘢發生。
形象設計師Angel：
我完全唔識司馬燕老公，只係喺一個ball見過，另一次係一班人行山，連佢乜嘢名都唔知，直到呢個內地女仔喺facebook鬧我，叫我唔好搞佢男朋友Togi，我問佢邊個係Togi？佢就鬧我扮晒嘢，我都問過律師，如果佢再騷擾我，惟有發律師信畀Togi，因為呢個女仔唔係香港人。
洪欣：
我真係唔知有咁嘅事，我同司馬燕都唔算識，不過見到面會hello囉，大家都係娛樂圈嘅人，但冇來往，唔算稱得上係熟嗰啲。我冇收過騷擾，都唔識呢個人，不過呢啲無聊嘢唔得閒理佢，我都費事理。