皇馬球星基斯坦奴朗拿度（C朗，左二）最近嘅感情生活真係多姿多彩，佢上周五先話自己畀一堆女人爭奪緊，但周二就有葡萄牙傳媒指出，佢已經同經理人文迪斯個大女、現年24歲嘅Marisa（右）秘密撻着咗。C朗同文迪斯嘅關係好就係人都知，而Marisa亦不時出現喺巴拿比奴球場為C朗打氣、最近又陪C朗出席電影宣傳活動，可能佢真係近水樓台先得月，贏咗一班對手，成為C朗最新嘅女友。