【本報訊】法國特種警察部隊周三在巴黎北部近郊聖但尼（Saint-Denis）追捕疑犯，爆發槍戰，來自澳門的Benson（圖）昨接受《蘋果》採訪時驚魂甫定說，做夢也想不到移居巴黎約兩年，竟近在咫尺遇上子彈橫飛槍戰，「嗰陣深宵4點幾，我仲瞓緊覺，最初聽到一、兩聲啪啪聲，以為燒炮仗，又以為發緊夢，點知越嚟越大聲，最後一輪好密集，好似澳門煙花匯演咁，成個人醒晒」。
Benson說，他的寓所在4樓，距槍戰發生地點不足100米，他馬上叫3名法國室友蹲下，「點知室友本住法國精神，一啲都唔驚，仲坐係度睇」。Benson馬上將手機放窗口拍攝交火情況，「我唔敢伸個頭出窗，不斷聽到子彈啪啪聲，歷時都有成個鐘，拍到手機都無晒容量」。
考慮避走倫敦
Benson其後將槍戰影片在網上發放，結果吸引數十間報館採訪，「有講法文、有英文，講咗幾十次，亞洲地區你哋《蘋果》係第一間」。29歲Benson說，13歲移民到倫敦，約兩年前來巴黎工作，從事電腦及語言教育；問及經歷今次恐襲會否返回澳門，他說現在「心大心細」，可能會避走倫敦，又說「巴黎每年都有一次恐襲，掃咗幾日又平靜番，我都會留喺巴黎」。
■記者蔡朗清