前晚港中大戰，睇到港人咬牙切齒，唔少人關注，港中球迷會唔會喺場外大戰？《蘋果》攝影記者重兵駐守場外，贒實球迷一舉一動，例如會唔會有人被狙擊以致出現衝突等，包括攝記易仰民！
阿易同八方講，開波之後，見到啲冇波飛嘅球迷趴喺鐵閘外裝裝吓，原來喺鐵閘條罅度睇波。阿易又有樣學樣，試吓喺條罅度裝；唔裝唔知條罅正，佢發現原來條罅係可以影到相，所以哺實個位幫吓場內同事手。
點知一係唔影，一影就見到于大寶又窩利又補射，但都被葉鴻輝一一救出，後來先知係問題球！跟住和氣收場，呢個罅位又影到葉鴻輝同其他球員擊掌慶祝。阿易又捕捉咗呢個珍貴時刻，成為《蘋果》噚日嘅A1頭版相。阿易話影咗咁多年波，冇諗過喺條罅影到相㗎！