副校風波、洩密事件、主席懸空……令今日舉行的港大校委會教員代表選舉備受關注。在港大任教了13年的機械工程系副教授張祺忠，是唯一報名角逐連任的現屆校委，「一個千二人嘅校內選舉，竟引起傳媒咁大關注，某程度係一種不幸」。09年開始，以教員身份加入校委會參與校政，三年又三年，他直言心情複雜，「之前確有諗過辭職，但事件肯定未完結，唔想校委會最終只剩一種聲音」。
決定⻆逐連任
張祺忠直言留下需要勇氣，「以咁嘅理由否決任命副校，將來再請人，肯定會令有質素嘅申請人卻步」。已連續做了6年校委，張祺忠謂當初參選，是希望將教師聲音帶入會議，想不到一場副校遴選，引發大風波。「過去咁多年，校委會嘅決定都係理性同基於事實，就算後來引起爭議的深圳醫院議題，都認同係集體決定，直至副校任命爭議，基本上已脫離理性討論，如果說沒有干預，實在令人難以置信」。
92年開始在港大任教，張祺忠謂，自己對百年院校的感情，不言而喻。談及勝算，他說並無多想，不過自決定角逐連任，已積極「洗樓」，「今年嘅選舉宣傳電郵比較特別，會附YouTube連結，主要係要求院校自主同反對干預嘅公開發言，我絕對尊重同事嘅選擇，但無論邊個當選都好，呢樣嘢都係最重要」。
港大校委會由24人組成，4名為教員代表，現屆除港大外科學系教授盧寵茂剛上任外，其餘3人任期下月8日屆滿，共8人報名角逐3空缺席位，除角逐連任的張祺忠，還包括上月發起港大黑衣遊行的政治與公共行政學系教授陳祖為及人文學院主任柯天銘。身兼「團結香港基金」顧問的港大前首席副校、金融學院經濟學講座教授王于漸，亦是候選人之一。教員代表選舉今日舉行，預料今日內會公佈結果。
■記者呂麗嬋