Google同世界報業協會（WAN-IFRA）合辦嘅「亞洲數碼媒體大獎」噚日下午喺香港舉行頒獎禮，《蘋果動新聞》憑雨傘運動專頁（ http://umbrella.appledaily.com ）奪得最佳讀者參與度金獎（圖）。
如果大家有click入呢個專頁look一look，就知呢個專頁係以timeline、相關新聞連結同人物專訪等形式，細緻回顧79日傘運期間發生嘅新聞事件，更首創360VR虛擬實境方式，重塑佔中啟動及催淚彈發射嘅畫面，令讀者恍如置身其中，重返現場360°細看當時情況。
「亞洲數碼媒體大獎」09年首次舉辦，今年係第6屆、噚日在港舉行年度數碼高峯會，全球28個國家地區共240間媒體高層參與。