大埔太和邨嘅麥當勞分店有全港少見嘅獨立平房設計（圖），有街坊最近卻發現暱稱「屋仔」嘅分店被圍封，仲有告示話16日起一連兩周進行裝修，但又冇透露裝修後嘅新設計，搞到嗰區街坊好擔心「屋仔」不保，「屋頂變成四四方方嘅話，真係無晒特色啦！」
查實呢間屹立太和25年嘅「屋仔」出鏡率甚高，去年麥當勞推出「超級隊長」廣告，「屋仔」亦有登場，更係全港少數擁有戶外兒童遊樂場嘅麥記，遊樂場範圍由分店負責管理，可惜早前已拆卸。
麥當勞發言人話，「屋仔」1990年營業至今，本月29日完成裝修後會以全新形象示人；至於會否保留「屋仔」外貌，卻無正面回應。