【本報訊】幾年前樓價見頂論已眾說紛紜，沒料到樓價只升不跌，令當時看淡樓市的人士大跌眼睛，中小型發展商遠東發展（035）地產部總經理朱寶林昨在市建局截收意向書的場合發表「買樓好過租樓論」，直指若樓價無上落，租樓會蝕錢。
朱寶林表示，現時供樓與租樓價錢相差不遠，就算加息亦有限，「供樓是息除本減，如果是3年前，有啲人驚樓價跌，無買樓。假設月供2萬元，其實1.5萬元是本金，5,000蚊是利息，3年供本金54萬元，如果樓價500萬，已佔逾10%。」
他續稱：「如果要租樓4年、5年、6年……你啲租金全部無晒，但供樓，有資產係度。如果樓市唔升唔跌，咁你租多兩年樓，咪蝕晒啲錢囉！」被追問若樓價跌一成相當於兩、三年租金，他回應：「係呀，但如果跌一成後，唔再跌呢，持平兩、三年呢，4年後你回頭看，點解今日唔買樓。」