【戶外睇波】
香港足球隊主場迎戰中國，一票難求，但是支持港隊之火在民間發熱發亮。多個團體自發在各區設戶外直播。其中在戶外睇波「發源地」的西環山道，昨晚逼爆近1,000人，紅海一片。每當港隊進攻，球迷狂歡拍掌，「呢度我哋主場呀」；中國隊攻門則全場噓爆。昨夜身處西環的香港人，熱情高漲，愛恨分明。
西環山道昨晚再次在戶外直播賽事，高𥧌時估計現場逼爆近1,000人，山道兩旁都站滿圍觀市民。雖然只是睇電視，但氣氛不遜旺角大球場。越接近完場，情緒就越高漲。賽事下半場約9分鐘，港隊一次角球攻門入波，全場站立舉手狂歡，但是知道「食詐糊」之後，仍拍掌支持。
席地而坐 氣氛高漲
賽事中每當中國隊攻門，香港球迷就噓爆；港隊出擊則大喊「入波」。完場前補時3分鐘，氣氛推向高漲。
最終雙方逼和零比零，盧先生與友人隨即拉起寫上「Hongkongers Support」的紅色橫額及揮動區旗吶喊，「香港隊勁揪！」他說雖然希望港隊勝出，但球員已盡力，尤其葉鴻輝表現最好，其他球員也很落力。
球迷Albert則表示，港隊打和令出線機會較微，「但係無論賽果點樣，今（昨）日香港嘅表現，真係拼搏出香港獅子山下精神，我已經好開心，已經收貨啦」。
本港各區昨晚都有戶外直播港中大戰，包括沙田排頭村、旺角洗衣街花園、鰂魚涌柏架山行人天橋底、深水埗玉器市場外及屯門西鐵站外等。其中在旺角西洋菜街行人專用區人氣鼎沸，逾100名球迷觀看賽事，部份人席地而坐，甚至站足全場。旺角球場外內都是一條心，同撐港隊。
■記者王家文
