終極機動遊戲「陀飛輪」下月有得玩啦！由下月21日到明年3月28日嘅東華慈善嘉年華，喺前啟德機場跑道舉行，除咗有部全球首度展出、轉到令你可以體驗無重力狀態嘅「陀飛輪」（圖）之外，仲有去年熱爆紐約時代廣場嘅6層高超級滑梯、同埋27層樓高嘅跳樓機。
今次除咗玩，仲可以做善事，事關今次嘉年華總收益一成會捐東華三院作慈善用途。
𠵱家網上仲有慈善套票賣，可以用港幣145蚊，買到價值180蚊嘅套票，當中40蚊會自動捐畀東華三院，一張套票包咗20蚊入場費，仲可以玩一次機動遊戲同一次攤位遊戲。售票網址： http://www.twcarnival.hk