政務司司長林鄭月娥宣佈推出「欣賞香港」運動，雖然外間對運動能否促進社會和諧有質疑，但有政界中人指，林鄭前日的發言，其實是首次有高層官員承認，現時社會分化與爭拗嚴重，政府要正視有關問題。事實上傘運後，不同階層人士均向中央反映過香港社會撕裂，唯獨部份港府極高層及梁粉人士，對此現像不以為然。
該政界中人稱，他曾就社會出現撕裂問題，向某些港府極高層人士及一些深得特首梁振英信任的梁粉反映，但換來的是，對方即時糾正，指那些屬社會分歧並非撕裂，又稱類似分歧，西方民主社會也存在，一如英國大選後，保守黨大比數擊敗工黨，但社會一樣有強大聲音反對保守黨執政，反問這又是否代表英國社會撕裂？
面對那些梁粉的「語言偽術」，該政界人士笑言已見怪不怪，「用呢班梁粉邏輯，即係藍絲鬥黃絲都係正常分歧、唔關政府同CY事、唔係任何人搞出嚟」；既然沒社會撕裂，那就不存在泛民所說，梁振英是社會撕裂源頭，「即係唔係佢（梁）嘅錯，又唔係政府嘅錯，即係所有嘢只係泛民單方面搞事」，那就難以再用撕裂作換梁的借口。
但梁粉看法並不代表官僚看法，林鄭指社會分化嚴重，正反映政府內部憂慮，有官員私下直言如撕裂下去，早晚影響香港經濟發展，「林鄭搞欣賞香港係想化解呢種情況，當然外界認為有冇效用，又係另一回事」。正如一名商界中人說，要解決香港社會分化與爭拗，只有一個最有效及直接方法，「只要梁振英唔連任，乜都解決晒」。
周一、三、五刊出
季陶