公關A周五六時許在群組緊急號召：「是日受了超大閒氣，必須狂吃一頓洩憤，九點日式放題，同病相憐者優先！」告急訊息一出，人人爭相舉手，大佬，連續辛苦五日，哪個打工仔不是滿肚苦水？
A君說頂唔順control freak型上司，事無大小，一概插手，所有人都不及他英明專業，所以任何事必須按彼之絕對偉大意旨行事，你沒跟足？Sorry，請從頭做過 ──儘管你原來的構思其實一定比他的好！B就說最怕上司無料扮有型，成日叮囑她勿忘做一干阿媽係女人嘢，B說：不如出正memo提我要呼吸啦，我好驚我一時唔夠專業唔記得喎！
唉，死未，還說員工是公司最好大使，連公關在外都踩自己，還不是管理大災難。這就叫Mary想起一些人人稱讚的企業，到底員工愛上公司甚麼？
美國人事表現評級網站Glassdoor每年都透過極可信的員工評論為企業排名，選出最受員工歡迎的企業，今年五十大之首是在員工策略享負盛名的Google。Google那些人人艷羨的福利諸如免費午餐、源源不斷的snacks 、on site醫療以至修髮服務、22周產假及12周男士侍產假等大概不用多贅，但我相信歸根究柢，還是源自創辦人一開始那種尊重員工、禮待talent的DNA。
有了這種DNA，你才會孕育出真心尊重而不是監控員工的政策，你才會給予員工不可思議的自由度，譬如在Google，每個員工每周可以花20%工作時間在一個自選project，而這project，甚至不用和Google業務有任何關係，真的不用怕，因為創辦人Larry Page相信他的員工都是精英，管理天才員工，唔通仲要control freak咩！
彭瑪莉
mailto:[email protected]