【本報訊】世界盃外圍賽港中大戰今晚在旺角大球場上演，泛民及建制派立法會議員難得意見一致，齊撐港隊，希望球員踢出好表現，並估計今晚賽果「一球上落」；相反，一眾政府高官卻玩「閃避球」，不肯表態支持哪一隊。
梁振英：去馬尼拉睇唔到波
本報昨向各司長及局長查詢撐哪一隊，結果只有自稱「球迷」、新上任的公務員事務局局長張雲正回應，指兩隊都支持，「最緊要兩隊打場好波」，他不願評論看好哪隊，「足球賽果好難預料，會有好多變數，雖冇飛無緣入場，但我會注視球賽」。
昨晚赴馬尼拉出席亞太經合組織領導人會議的特首梁振英，就稱因在馬尼拉出席會議，未能觀看賽事而感可惜，並無正面回應支持哪一隊，「好可惜去咗馬尼拉之後，喺嗰度睇唔到波」。
議員們則比較團結有立場，工黨李卓人直言：「唔使問梗係支持香港隊啦！」他相信香港有機會出線，估計港隊小勝一球，希望他們「打番場好波」。民主黨涂謹申亦支持香港隊，想港隊獲勝，但不希望球迷再噓國歌。
民建聯葉國謙及蔣麗芸亦撐港隊，葉說：「香港人梗係撐香港隊。」雖然兩隊都支持，但情感上希望港隊贏。蔣麗芸認為兩隊實力並非懸殊，估計賽事一兩球上落。
■記者鄭啟源
