立法會財委會主席陳健波呢期出手剪布助創科局成立，忽然變成特區大紅人；政務司司長林鄭月娥噚日喺「欣賞香港」啟動禮致辭時，亦特別提到陳健波，仲一度以「局長」稱呼㖭呀！
事緣林鄭喺致辭時講到，「欣賞香港」活動嘅意義包括「感激香港」，主動話保險界議員陳健波接受報章訪問時提及，幼時住喺黃大仙木屋區，要同兩兄弟三個人瞓一張床、冇機會入大學，但憑住努力攞到保險牌，「我相信陳健波『局長』都係呢個故事」，在場有人都唔忍唔住笑咗。但林鄭稱陳健波做「局長」前，都以「議員」稱呼，相信係口誤。佢臨尾發言時提到政府工程係「陳茂波局長」所屬部門，可能係想𠱁番在席嘅陳茂波。