【科健籽】三點三叉足電　乾果能量波

【科健籽：食養東西】
午飯後眼瞓又口痕，嫌零食冇益，不如自製外國非常流行的蛋白質小食––能量波（energy ball），多個健康網如health.com和women’s health都大力推薦。網上有各式各樣的能量波食譜，營養師李龍家麒（Thomas）建議我們可加入天然乾果及果仁去製作。自製能量波可按喜好選取食材又可以補充能量，而且不含防腐劑，食得健康。

營養師：一日一粒好喇

嫌零食冇益，不如自製外國非常流行的蛋白質小食能量波（energy ball），有咬口之餘又可以補充能量。

「乾果含有豐富果糖，可以為身體提供能量，除咗糖佢仲有其他微營養，如礦物質，對身體有益。」Thomas表示，血糖低是疲倦和肚餓的主因，想最快提升身體血糖就應進食碳水化合物，如澱粉質和糖。「不過糖屬於空泛熱量，例如砂糖同冰糖等，只提供熱量，冇任何營養，所以揀乾果要小心，不要買由砂糖醃製的成品，買天然果糖比較健康。」果糖有益，不過糖尿病人士都不應吃太多。另外，果仁雖然含豐富蛋白質，但熱量非常高，想減肥就要留意份量。一粒能量波至少含150大卡，每天下午茶時吃一粒充充電就非常足夠。能量波做法非常簡單快捷，只需一個可以打碎果仁的攪拌機即可，非常方便，大家可以一試。