講好多人生哲理、企業管理嘅一田CEO莊偉忠，早排寫咗本書叫《不開會的CEO》，已經賣到第五版，簽名都簽到手軟。莊生噚日同華華講，見到鄺俊宇本《有一種幸福叫忘記》咁暢銷，自己都心思思，想寫一本有關佢同老婆嘅愛情小說，仲諗埋書名，可能叫《有一種幸福叫夜粥》喎。
莊偉忠覺得，唔少現代情人有好多缺失，或者留意唔到嘅小問題，希望寫本愛情書，描寫自己同莊太嘅甜蜜相處之道。莊生將呢個想法同老婆分享後，莊太竟然第一時間反對，搞到莊偉忠好頭痕。
呢位成日響facebook同網友交流嘅CEO又話，啱啱已經「呃咗」第20,000個fans。年初開page時，只係將fans目標訂於全年5,000個，莊偉忠話「做人同做生意一樣，目標訂得太高，只會辛苦自己」。