聯合國本月30起一連兩周喺法國巴黎召開氣候𥧌會，有國際組織喺𥧌會前一日舉辦「全球氣候大遊行」，冀向與會嘅各國領袖施壓切實減排。與此同時，天文台前高級科學主任李偉才等人亦喺本港發動遊行及聯署，呼籲港府支持𥧌會上落實有效減排嘅國際協議，並竭力開發低碳能源，取代化石燃料。有香港四大才子之稱嘅名作家倪匡、歌手關心妍都有聯署。
籌辦今次氣候遊行的「350香港」話，已邀請約20名知名人士出任遊行嘅起步嘉賓，包括法國駐港總領事栢海川；亦邀請各界聯署去信港府，獲逾200人響應，多名現任或前任天文台高層都有參加，包括林超英等。支持聯署嘅仲有曾鈺成，毛孟靜、李卓人同葛珮帆等。