喺9月30號突然作動產子嘅梁政珏，由懷孕到生B經歷過唔少辛苦時間，雖然Johnson B出世後因未夠磅數、同肺、胃功能未達理想而要瞓氧氣箱，但好好彩B仔健康成長，梁政珏亦不時上載B仔短片到Instagram同網民分享喜悅。
昨早佢再更新Ig，佢貼咗張開飯照，仲留言話：「噚晚係我自9月30日開始第一晚瞓得似番個人嘅一晚，雖然都有起咗兩次身餵奶，但係都瞓咗好耐好冧呀！一覺難求呀真係，真係要多謝陪月炒粗盬加薑加蔥頭幫我熱膚驅寒氣驅風」，佢仲落咗「請咗兩個陪月但都冇好好坐月嘅瘋婆」同「feelingfresh」hash tag，睇嚟佢生仔後真係未瞓過好覺。