上周五是黑色星期五，中、港、美及歐股市齊齊急挫，全球18個主要地區指數均告下跌，甚為罕見。
其中滬綜指跌52點或1.43%，收報3580點，跌破3600點「大位」；恒指收市報22396點，跌492點或2.15%，跌穿23000點心理關口，夜期再跌約300點；美股跌逾200點，更創三個月以來單周最大跌幅。
市況將轉差？基金朋友謂，全球經濟增長齊齊放慢，市況根本無條件轉好，早兩日各地指數上升，特別是恒指，相信只是大型對沖基金借勢「搵食」之作。他說︰「上周四夜期升到23000點，周五晚就跌返去22300點水平，一來一回就差唔多成千點，呢個水位都執到唔少㗎，解釋到周四恒指急升嘅原因。」
這樣的話，現還加上恐襲陰霾，港股豈不是「大大鑊」？朋友笑稱，用「大大鑊」形容，可能亦不足以表達實際情況。他說︰「美國加息，好多之前走嚟亞洲嘅錢實流返美國，日本同歐洲量寬，亦再抽走一啲（錢）……望番口口聲聲話經濟唔會硬着陸嘅中國，人人都知經濟勁唔得，又收緊孖展，你話港股會點？」
密西比