陳志雲、劉心悠、關詠荷及方力申等，昨日在跑馬地出席「世界心臟日2015」活動，因應涉貪案罪成申請上訴，下月18日再上庭的陳志雲，坦言平常心面對一切，他說：「每日都投入工作同生活，官司不評論，但感謝過去朋友嘅關心。」5年來陪伴上庭，風雨同路的王喜一直在背後默默支持力撐，志雲自言盡在不言中：「佢就唔使講啦！最近喺內地有訊息支持。」
關詠荷爆家輝好驚鬼
下月20日是志雲的57歲生日，面對官司心情會否受到影響？志雲說：「唔會，總會有事情要處理。冇準備特別大慶祝，以往生日都冇特別，朋友慶祝都唔係正日，但今年係星期日應該方便啲。」另外，聖芳濟書院第4任校長魏岫山修士昨日過身，曾就讀該校的志雲說：「佢平時身體都係比較弱，呼吸有啲問題，佢努力貢獻一生，以前佢會幫我哋改英文功課，好用心改。」
同場的關詠荷甚受現場長者歡迎，不停被邀合照，她又大爆老公張家輝最近埋首在家寫鬼故事劇本，她說：「平時佢會嚇我同整蠱我，有晚佢寫緊嗰時，我就諗住畀少少驚喜佢，點知佢擰轉頭見到我，嚇到眼定定，我都有啲後悔，佢嗰刻真係好驚，連個女嚇佢都驚，仲落order唔准再嚇佢。其實佢好驚鬼，寫劇本嗰時太投入。」
此外，心悠早前因坐姿不正確導致骨盆移位，她透露已康復，但亦因此而了解更多正確姿勢。
採訪、攝影：王連連
