葡萄牙噚日作客俄羅斯踢友賽，不過皇馬球星基斯坦奴朗拿度（C朗）就特准休戰唔使打，於是佢就喺上周五去做水療幫自己扮靚，而且仲非常鬼馬，將搽咗面霜嘅自拍趣怪樣，上載到社交網站。另外，碧咸幫曼聯做說客，叫C朗返奧脫福。呢個40歲嘅曼聯名將咁話：「C朗喺曼聯好成功，亦好受紅魔球迷歡迎。如果佢決定離開皇馬，一定要去曼聯。」