求驗客手記︰狂牛屠獅靠鉸剪腳

今屆歐國盃外圍賽以10戰全勝姿態入決賽周嘅英格蘭，終於嘗到輸波滋味。上周五佢哋作客西班牙踢友賽，上半場踢得唔錯，但下半場就走咗啲樣，仲喺最後18分鐘失守，先後被狂牛嘅後衞馬里奧加斯柏用凌空鉸剪腳入波，加上辛迪卡索拉乖巧射入，最終輸0:2。呢場亦係三獅自去夏世盃第二輪分組賽輸畀烏拉圭後嘅首場敗仗，15場不敗走勢宣告結束。