馬梓詠（Helen）前晚在中環出席FENDI活動，提到早前與好友兼生意拍檔關之琳（之之）到台灣工作，之之被指因與台灣富商陳泰銘分手而到夜店借酒澆愁？她否認說：「品牌反應好好，搞咗個慶功宴，其實佢好開心。」Helen強調之之已經將感情困擾放下，身邊亦不乏追求者。Helen認為感情不會牽涉很多問題，不可能因為單一件事，而且之之和陳泰銘性格非常不合。她說：「分手唔一定做到朋友，但見到有禮貌點頭，唔需要變成敵人。 」
「一定係唔夠愛」
有指陳泰銘不願舉行婚禮成為離婚導火線？Helen說：「唔係，其實plan咗好耐，話喺外地搞，不過呢個男人要收埋身邊啲人，佢自己都覺得要帶眼識人，婚禮本來係今年實行，但佢發現有問題唔想further。」
報道指陳泰銘的女兒不想爸爸再婚一事，Helen直斥：「我覺得鍾意一個人要保護佢囉！唔係要保護之前嗰個，一定係唔夠愛啦！一個男人鍾意一個人，話想低調收埋佢，講低調就唔會搵一個公眾人物啦！成件事好古怪，唔係正常couple囉！行到