法國新抱周汶錡（Kathy）表示老公Julien Lepeau的家人不是住在受恐襲的區域，Kathy昨日在電話中說：「屋企人OK，因為唔係佢哋住嘅area，老公都話好突然。」Kathy一早計劃明年農曆新年一家三口返法國探親，她說：「襲擊嘅area我哋好少去，會留意住新聞，但冇諗住會改行程。」
黃長興勸友走
曾長居法國逾20年的黃長興昨日在鑽石山出席活動時，表示好心痛，並直斥恐怖分子越來越過份：「啲人好大膽，唔係話擺個炸彈求其炸，直情係攞兩支槍周圍射，𠵱家乜嘢世界！」他透露今年7月帶太太及囡囡去巴黎探朋友，但從沒考慮返法國定居，反而勸朋友離開。
而下月賭王四太梁安琪會到巴黎，她在電話中說：「好多朋友住喺當地，時差問題，未搵佢哋。自己預計12月中去巴黎傾生意，仲有時間，到時應該冇問題。事發嗰個劇院我冇去過，如果照去都唔會出入人多聚集嘅地方。」
已移民法國巴黎多年的日本女星中山美穗與前夫辻仁成，近日因為工作關係返了日本，但二人的兒子仍在當地，辻仁成表示慶幸兒子身處地點距離恐襲很遠。而美穗現任男友澀谷慶一郎亦居於巴黎，他在twitter留言表示身處地方距離其中一個恐襲現場只有五分鐘路程，現在只能繼續留在錄音室。