民主黨早幾日喺臉書po咗幅漫畫，呼籲選民要提醒吓屋企人，唔好以為收咗某人一包白米就要投番票畀嗰個人，漫畫中，一名藍衫男子塞單張畀長者，仲同佢講︰「收咗包米就要投XXX﹗」
點知漫畫引起北京喉舌《文匯報》注意，覺得藍衫男子酷似民建聯候選人，涉嫌影射，仲搵埋民建聯葉國謙回應，話要強烈譴責、考慮同律師研究有冇污衊及不實成份。
最好笑係，《文匯報》亦搵咗民主黨單仲偕回應，單雞話如果有人「要對號入座都冇辦法」。
《文匯報》仲搵咗「熟悉選舉法」嘅律師評論，不過連律師都話，呢單嘢法律層面上難以舉證，至多批評做法欠缺道德！咁單雞話對號入座真係冇講錯！