夏文汐（左）和盧巧音日前為《我的女神演唱會》綵排，兩人分別會唱梅艷芳的歌，夏文汐說：「我好鍾意梅姐，所以今次要揀佢啲歌嚟唱，不過我囡囡要返學睇唔到，為咗證明我識唱歌，我會拍一條短片畀佢睇，證明我真係識得唱。」她亦大讚盧巧音：「佢好專業，自己就好少唱歌，好彩我有佢指教都淡定啲，佢係我老師。」聽到被人稱讚，盧巧音坦言自己不敢當。