世界盃南美洲區外圍賽已經進行到第三輪，唯一三戰全勝跑出嘅球隊有啲冷味，唔係傳統強國巴西、阿根廷，亦唔係新任美洲盃冠軍智利，而係厄瓜多爾。
厄瓜多爾雖然缺少曼聯中場路爾斯華倫西亞，周四主場對烏拉圭依然憑卡些度同費度馬天尼斯各建一功，主場2:1擊敗對手，取得三連勝。不過，賽事有段小插曲，話說有小型航拍機喺比賽期間闖入球場，烏軍門將梅斯利拿（上圖）就執起交畀球證投訴，厄軍唔知會唔會被處分。
至於之前喺南美洲區兩連勝嘅智利，迎戰哥倫比亞時雖然有維達爾先開紀錄，但哥國就憑占士洛迪古斯嘅入球追平，結果兩隊打和1:1。另外，阿根廷對巴西因為大雨搞到場地積水，延至香港時間今朝8點補賽。