【本報訊】原審區域法院法官潘兆童兩度判陳志雲及叢培崑無罪，但上訴庭最終指令潘官改判有罪。潘官昨處理本案時，言詞間顯得無奈，「上訴庭決定有罪，我決定冇罪，我唯一嘅裁決理由就係上訴庭指示我判有罪，冇其他理由」。潘官昨日更三度提醒辯方可向上訴庭申請暫緩執行定罪，但強調執行上訴庭的指示「唔可以用痛苦形容」，制度如此，不可考慮個人感受。
強調要依指示做
潘官昨一直強調要依照上訴庭指示行事，「唔係我話唔想遵從就唔遵從」、「姑勿論我同唔同意上級法院嘅指示，我都要去做」。但潘官同時指出，「唔係一定要今日裁決，但如果今日判到而唔判，要有法理基礎，要有好嘅理由，否則講唔通……如果被告提出一啲對佢無可挽回嘅不利，我都仲較易理解」。潘官一度指辯方以上訴程序啟動為由提出押後「冇乜說服力」，繼而三度詢問辯方是否單單定罪已對陳志雲有極大影響，辯方均回應稱是。
代表陳志雲的資深大狀謝華淵揚言本案發展特殊，潘官只因受法律責任約束才要將被告定罪，相信執行起來對法官而言是痛苦事。惟潘官即時謂「唔可以用痛苦形容」，明言制度如此，不可考慮個人感受。在潘官提示下，最終辯方表示會向上訴庭申請暫緩執行定罪，潘官亦同意押後聆訊等候辯方申請。
潘官又回應控方稱，「同意法律面前人人平等，但都唔能夠因佢係邊個而對佢特別嚴厲」。至於控方指辯方因疏忽未有及早申請暫緩執行，要求辯方支付訟費，亦遭潘官拒絕。
■記者楊家樂