【本報訊】沙田再少一個標誌性商店，營業20年的沙田馬莎百貨將於明日最後一日營業，沒大鑼大鼓搞大減價，反而在店外低調豎起牌子稱會提供臨別優惠券，似乎是特別為每天路經、或約朋友「在馬莎等」的居民等，送上窩心回饋。
「代表同當區人割裂」
繼半年前的新城市麥當勞結業後，今次輪到屹立廿載的馬莎百貨離場，不少居民慨嘆可惜。從事藝術創作的林兆榮在沙田區成長，他憶述以前馬莎位於新城市廣場3樓，即現時服飾店Zara店址，其最大的特色就是其地理位置優越，面向商場的門口是沙田友等人的地標，林笑言與友人約會「講咗好多年『馬莎等』。」
林兆榮直言，自從Zara取代馬莎承租3樓舖位後，商店種類越見「海港城化」，商舖組合單一，未能滿足居民所需，令不少沙田友對廣場已經「心淡」，「我諗沙田居民都唔太鍾意留喺新城市，代表咗一個建築物同當區居民嘅割裂」。他續指，如果上址開設Apple Store，最終只會令商場通道「變成（旺角先達廣場出面）一條有冷氣嘅街，塞滿買賣iPhone嘅人」。
沙田區議員衛慶祥早於80年代遷居沙田，笑言「細細個已經認識呢個品牌」，馬莎為居民提供衣着飲食一站式的購物，帶給沙田居民一定回憶，其離開「都唔係一件開心事」。他說，百貨公司是一個大商場縮影，以前新城市廣場可以「食叉燒飯、雲吞麵」，隨自由行旅客日多，商場提供的產品變成名牌林立，已變成只迎合遊客的商場，「呢個已經係一個非社區嘅商場」。衛慶祥參選區議會沙田市中心選區，同區候選人尚有民建聯黃自勇。
■記者袁楚雙