今年初成立、由特首梁振英擔任榮譽贊助人嘅香港青少年軍總會，準備喺明年初搞一個三日兩夜嘅學生軍事體驗營，而培僑中學為咗配合，就喺本月初開咗個團員先修班，教吓團員軍體拳同埋步操等基本訓練，身為青少年軍總會諮議會成員、又做過飛虎隊嘅前警務處處長鄧竟成，就到咗現場打氣，唔知有冇幫手操fit吓啲學員呢？
特警成同成班同學有講有笑，仲以「心目中的好老師」為題與同學交流，又分享正確態度處事嘅重要性。
講得啱呀，以正確態度處事好重要㗎，特警成當年做處長時，因為成日道歉而被人笑佢做「Sorry Sir」，諗番轉頭，識講sorry已經好好，好過一句「你哋冇做錯到」。