各間大學嘅校董會、校委會相繼失守,大學漸被染紅,其中嶺大校董會最新引入兩位「梁粉」,包括提出「解散學生會」嘅律師會前會長何君堯,以及民建聯陳曼琪。
近月成立嘅嶺大校友關注組,為咗唔想母校越變越紅,下周二會登報刊「反赤化聯署聲明」,希望校友、師生同埋社會大眾,每人至少捐100蚊支持關注組工作,保住嶺南。
反赤化聯署聲明有幾個要求,包括反對新任校董會成員嘅任命,要求政府撤回;其次就係要求廢除行政長官任校監制;最後一項係重修《嶺南大學條例》中校董會組成嘅條文,增加校友、教職員以及學生校董代表比例。想捐款嘅朋友,可將款項存入關注組召集人李美婷嘅恒生銀行戶口︰290-756-329-888。