全新免費電視頻道ViuTV明年3月試播，近日開始密密製作，由邵仲衡、黃心美、前新聞王子柳俊江、岑樂怡、曾美華和朱鑑然等主演的新劇《瑪嘉烈與大衛》，昨在九龍灣拍海報，他們戲中分演三對情侶。
伍家謙：唔熟藍可盈
無綫已婚男主播吳璟儁與新聞小花藍可盈疑爆婚外情，柳俊江力撐吳璟儁：「佢係正人君子，有時我揸車，夜收工都會車埋女同事。𠵱家變咗男人車女人係有罪，我哋open啲啦，唔好影到女仔就要公審。」其實周嘉儀都被傳搭上人夫許方輝，柳俊江卻說：「點同？影到咁多次。」主播的私生活成焦點，柳俊江說：「新聞界都係一個普通人，只係做嘢要出鏡。」另一離巢新聞王子伍家謙昨在尖沙嘴出席活動時也說：「同吳璟儁都係做晚間新聞成日合作，同事私生活no comment，藍可盈有合作唔熟。」
此外，《瑪》劇以男女關係帶出社會話題，有份演出的曾美華指老公很包容，不介意她拍親熱戲。監製金廣誠指該劇今年底首播，據知將搶閘在ViuTV網上平台先播。
採訪、攝影：黃曉妍