發展郊野公園土地作建屋用途，近日因團結基金再提有關建議而被炒熱，不過發展局局長陳茂波日前表明，指發展郊野公園爭議大，現屆政府只餘一年多任期，首先會集中精力處理改劃用地，即不會推動有關討論。有官場中人指，特首梁振英並非不想做，而是現時不能做，因若要進行諮詢，非三兩年不能成事，也不利梁爭取連任。
有官場中人稱，若真要就發展郊野公園進行全面諮詢，不可能只簡單地問支持還是反對，「咁樣只有兩個結果，一係個個話反對，一係就算支持，到真係拎塊郊野公園地出嚟，啲人又會話支持政府發展郊野公園，唔等於支持拎呢塊地喎。」所以若梁真的要諮詢，政府部門必須一併把可考慮開發的土地範圍列出，「真係要逐幅地問清楚可唔可以發展，多人支持先可以做」。
諮詢期至少三四年
若然如此，必須要有相當多時間做前期工作，單是找出哪些郊園地不太有保育價值，又可作建屋用途，可能要一年半載，到諮詢出台可能又要搞一年，諮詢期隨時又一、兩年，前前後後沒三、四年難成事，試問現屆政府又怎夠時間推動？
該官員更稱，最大問題是特首尚餘一年多任期，政府民意支持度又低，「如果呢個時候推出發展郊園土地諮詢，反對聲音一定大於支持，可能連一啲挺過梁嘅人都會反對，再加上𠵱家樓市隨時轉勢，我係特首都唔會做」。至於梁會否拿有關政策作選舉政綱，該官場中人分析可能性不大，「明知有爭議仲拎出嚟做選舉政綱，同自殺有乜分別？」
季陶
周一、三、五刊出