人體彩繪藝術喺外國十分流行，但喺香港卻未見普及，網上流傳一段短片，一名在港工作嘅人體彩繪女藝術家Sandra Bakker，為一名女模下半身畫上擬真牛仔褲，而女模僅穿內褲。女模着住「牛仔褲」穿梭中環、金鐘，走入商場，搭扶手電梯，搭埋港鐵，沿途似無人發現。
根據英國《每日郵報》報道，女模買緊港鐵車票時，有個麻甩佬就望多咗佢兩眼，未知是否睇穿了「女王的褲子」。
而女模身穿「No pants are the best pants」（沒穿褲子就是最好的褲子）字樣Tee，雙腿上嘅「牛仔褲」像真度極高，因為Sandra Bakker運用唔同深淺度嘅藍色勾畫出牛仔褲層次，連褲袋都畫得極細緻，驟眼睇真係以為女模有着褲。短片網址為： http://bit.ly/1MLmgCE