淡出娛樂圈多年兼移居美國的陳秀茹（Suki），昨日專程回港宣傳她的新書《Healthy Cooking》的發佈會，日前她在facebook自爆發現胸部一個有腫瘤，幸好切除後發現只屬良性，身穿性感超大低V上衣的Suki被問到此事，她說：「兩個月前發現左邊胸有腫瘤，好彩唔使做手術，做微創抽咗出嚟，所以今日揀呢件衫嚟紀念，其實未去到乳癌，左邊胸發現咗golf ball咁大嘅瘤，當時唔知要唔要切除乳房，喺醫院喊到崩潰，之後抽咗出嚟，係良性水瘤。」
至於今次新書內容，Suki說：「內容會包括自傳、飲食及感情故事，本書對我嚟講係好大鼓勵，將自己嘅心聲講出嚟，喺我抑鬱低潮時，救咗我一命。」
採訪、攝影：張俊銘