老董唔想用狼英五歲小女孩條𡃁妹舊橋，改以中年師奶做餌。唔，這個中年C9，到底是誰？董伯一定無膽偷錄師奶，大家只好去山頂現場推理一下：
一，龍蝦！龍蝦故意在山頂攔截董伯伯，哭訴畫花塊面的女兒雖然心地善良，但毒掌如鐵，兜巴星到她這個師奶無地自容。所以：「我打算擲三百萬買間170呎的屋仔，會高調宣佈我們一家三口搬去住。等個爛蒲喪女捱吓世界，等個玩狗衰佬試吓在轉唔到身sit都唔得的廚房種吓米，別以為調理農務咁爽！」
二，好打得！這個中年C9，自爆已經賣晒英國物業，亦無在香港做業主，因為上帝已經公開銷售天堂單位，她已經留了一個咁話。「董生，不瞞你說，天堂好逼狹，留給我那個樓花單位，只有170呎，但據說能住三個nice guy，就算仆街都有上帝慰問，官到無求住細屋，唔會心悒啊。」
三，李C煙！自揭是近距離撲埋董生身邊的行山師奶，盡訴心中情：「我唔恨住禮賓府，那裏風水唔好，點及得170呎細價樓。啋！我不是說金屋藏嬌，三百萬包我制唔制？咁cheap？真心悒！」