禮拜六田草賽事用A加3跑道，睇番最近10月1日同一移欄賽事，前置馬佔盡優勢，共有八匹頭馬守前四位入直路建功，其中「運財之星」及「發盈喜」更加一放到底。此外，九場轉彎路程賽事，八場有一至三檔馬上名，所以抽內檔而又具前速之馬匹最值得優先留意。今戰列陣馬中，頭場「金銀花」係全場唯一贏過A加3欄之參戰馬，抽四檔可跟守好位賺形勢，有力先拔頭籌。另外，第八場「和順超影」四戰田A加3欄獲一冠兩亞一殿佳績，憑較佳場地性能加上內檔之助，可望取得轉方廐後首捷。