【本報訊】獲終極勝利的甘健成一家昨午見記者，為亡夫堅持上訴到底的遺孀梁瑞群對上訴得直坦言有意外驚喜，兩子則再為亡父多年來為鏞記的付出及曾受欺負大吐苦水，形容是「阿爸一生中最唔開心嗰幾年」，更為此哭過，聲言非金錢可彌補。
梁指得知判決後感開心和驚喜，已向亡夫禱告，「足足3年嘞，希望佢在天之靈得到安慰」，但仍為他無法等到結果感可惜。對於亡夫之死會否與官司有關，梁眼紅紅說：「唔敢講直接有關，但唔多唔少為件事操心唔開心。」
「爸爸俾人鬧係狗」
梁的二子甘崇轅指判決還老父公道，並希望事情能獲認真解決。他更為被指為錢打官司呼冤，指「嗰幾年佢（父親）好唔開心，做到喊，俾人鬧，話係狗，點可以接受到呢？」又謂：「喺眾人面前、喺經理面前都係咁，係咪價錢可以彌補到呢？唔係囉！好委屈。」
大哥甘崇軒亦稱，無法回鏞記查數，若非他們早另起爐灶開兩間小店，兄弟二人「渣都冇」，「我哋腳踏實地，自力更生」。兩兄弟亦稱會努力打拼，延續亡父的飲食精神。
■記者蔡少玲