每年11月11日嘅光棍節，內地宅男都定必諗起前日本AV女優蒼井空，事關蒼老師都係呢日牛一，搞到內地光棍節同蒼井空幾乎已經劃上等號咁滯。
蒼井空從良打入強國市場，積極學中文近年狂賺人民幣，今日11月11日，亦係呢位推動中日友好關係嘅女神牛一，雖然係人都知蒼老師細細個已經加入AV界，今年已經係佢32歲生日，不過佢似乎近年停留20歲階段，繼上年佢喺載住生日蛋糕嘅碟上，用朱古力醬寫20歲生日快樂後，噚晚佢獲幾位好姊妹陪過生日，蒼老師喺微博上公開照片，仲留言話：「祝我生日快樂!!祝2015.11.11!!我終於到了20歲!!哈哈哈高興!!」但估唔到真係有強國網民信以為真，有人留言話：「才20歲？真不敢相信。」但都有網民寸爆回應：「百度了一下。蒼老師是1983年11月11日出生，都已經32歲的大媽了。」