內地11月11日光棍節，香港本身都唔係好流行，但唔少企業今年就玩埋一份，周大福（1929）噚日部份指定商品以1,111元平賣，個標語就係「平買鑽飾、進貢娘娘」，娘娘收到呢啲大平賣首飾，唔知反應會點呢？
有網民喺周大福facebook個page就批評呢個係「公關災難」。其實做得娘娘，梗係想有一種優越感，而優越感肯定唔係大平賣首飾可以得到，所以諗得出話送1,111蚊首飾畀娘娘嘅人，呢班觀音兵好快會變晒退伍軍人。
不過轉個頭諗，港女唔鍾意1,111蚊嘅「cheap珠寶」，但鍾意Pandora呢啲成本低廉、但賣到好貴嘅串珠仔，講到尾都係因為獨一無二，滿足晒虛榮心，睇嚟周大福應該惡補娘娘心態。