仙樂都、程芷渝前晚喺中環出席慈善時裝騷，繼續谷胸露事業線嘅仙樂都，搶晒拍檔程芷渝鏡，不過程芷渝話唔介意，因為自己身材真係冇人咁好。另外，噚日係光棍節，程芷渝講笑話自己都係光棍一名，好恨拍拖，就算對方係毒男都得，仙樂都即刻搶住話贊同程芷渝嘅講法：「最驚啲口花花嘅男仔，多口反而易引人注意，會吸引狂蜂浪蝶。」