何紫綸（Ann）噚日喺尖沙嘴出席一個美容品牌活動，本月初佢同拍拖2年嘅Gary Lam結婚，Ann表示被叫林太有啲唔習慣，仲話：「佢叫我老婆，呢個變化幾得意，但我仲係叫佢全名。」叫老公好肉麻？佢笑住話：「未轉到口，佢都有問我點解唔叫佢做老公。」Ann表示聖誕節會同老公去餐廳慶祝，仲會送老公一份電子產品做聖誕禮物。