林芊妤（Coffee）前晚以性感造型在尖沙嘴出席XBOX活動，日前被拍到與半億身家的Jeff逛銅鑼灣拍拖睇戲，她說：「我冇拍拖，𠵱家單身，同朋友好普通睇場戲，之後自己搭地鐵返屋企。」有否發展機會？她說：「人哋冇追我，我冇理由咁唔知醜，我又唔主動，佢好好人，個人好簡單。」她續說：「有問佢有冇拍拖或老婆，如果係保持距離會好啲，當時佢話單身。順其自然，我又唔係好，之前有啲唔好新聞，都配唔得起人。」
談到與Coffee廁格gathering的林知譽將與針織大王孫女羅穎怡結婚，Coffee說：「恭喜佢，之前喺街撞過，但冇傾偈，因為我哋有一年冇聯絡。」
採訪：黃曉妍
攝影：沈健程